Os bombeiros do parque Comarcal Provincial de Ribeira foron alertados esta mañá, ás 08:00 horas, dun incendio que afectou a un vehículo no lugar de Pontenaveira, na parroquia de Caramiñal no municipio da Pobra do Caramiñal.
O lume orixinouse no motor do automóbil e precisou da asistencia dos bombeiros para poder ser extinguido. Na incidencia tan só houbo que lamentar danos materiais.
No operativo tamén participaron a Policía Local da Pobra e a Garda Civil de Boiro.
