A Xunta de Goberno Local do Concello de Ourense desenvolveu esta mañá a súa sesión ordinaria desta semana, na que adoptou 25 acordos.
Recursos humanos (1) Aprobou a Oferta de Emprego Público do Concello de Ourense correspondente ao exercicio 2025 en materia de seguridade cidadá, por promoción interna, na que se inclúen tres prazas de sarxento de incendios.
Licenzas (3). Aprobou a concesión administrativa demanial para o uso privativo dunha porción da vía pública, de 7,84 m2, na fachada dun edificio da rúa Eladio Rodríguez, coa finalidade de instalar un ascensor; e concedeu as licenzas de obra para os proxectos básico e de execución de cambio de uso dun local en planta baixa a vivenda, na rúa Antonio Román; e para o proxecto básico de construción dunha vivenda unifamiliar no Camiño do Muíño, Seixalbo.
Patrimonio (1). Desestimou unha reclamación de responsabilidade patrimonial
Avogacía Consistorial (20). Deu conta dunha sentenza do Tribunal Superior de Xustiza de Galicia, dunha sentenza e dous autos do Xulgado do Contencioso-Administrativo número 1, e dunha sentenza, un auto e un decreto do Xulgado do Contencioso-Administrativo número 2. Ademais, tomou coñecemento de que o Concello comparecerá en 12 procedementos diante dos xulgados do Contencioso-Administrativo número 1 e 2 e nunhas dilixencias previas ante o Xulgado de Instrución número 1.
