A aplicación móbil ha recibido un centenar de avisos e suxerencias por parte da cidadanía.
A app móbil ‘Coida Carral’ converteuse, en menos dun ano, nun das canles de comunicación máis empregados polos veciños e veciñas. Tanto é así que, actualmente, a ferramenta acumula 600 usuarios activos. Ademais, o Concello recibiu un centenar de avisos e suxerencias por parte da cidadanía. O goberno valora “ as boas cifras de participación dá aplicación” e sinala a intención de seguir “ mellorando esta ferramenta móbil coa incorporación de novas seccións e funcionalidades nun futuro próximo”.
Ata a data, a maioría de avisos recibiron resposta por parte do Concello, algúns a través da propia ferramenta e outros –cando o usuario ou usuaria así o solicitaba- por vía telefónica.
Unha das vantaxes da aplicación reside, precisamente, no apartado de incidencias. Nesta sección, os usuarios e usuarias poden incorporar fotos e mesmo utilizar a xeolocalización para facilitar ao Concello a localización exacta da devandita incidencia. Ata o de agora, as máis comúns foron as relacionados con obstáculos en vías públicas, problemas en arquetas, farois e beirarrúas, entre outros temas.
En vista do gran uso veciñal, o Concello está a traballar xa na incorporación de novas funcionalidades na app. Entre elas, habilitarase un apartado de xestión de citas previas, outro para a reserva de espazos e, por último, un para a realización de instancias e trámites simplificados a través da propia aplicación.
Enquisa cidadá
A maiores, o Concello ten en marcha un proceso participativo a través de ‘Coida Carral’. Os veciños e veciñas poden propoñer o nome dunha muller para bautizar un lugar público do municipio -unha rúa, praza, lugar ou roteiro de Carral- por medio da aplicación móbil. Ata o de agora, recibíronse unhas 40 opcións distintas, todas elas propostas polos propios usuarios e usuarias.
