O Senado aproba unha moción do PP para que Vigo conte cunha sede permanente da FAO

• Javier Guerra reprocha aos socialistas a súa abstención e afirma que “unha declaración formal da Cámara Alta pode contribuír a lograr o obxectivo”
O senador do Grupo Parlamentario Popular por Pontevedra, Javier Guerra, reclamou o consenso de todos os partidos con representación na Cámara, para que Vigo conte cunha sede permanente da Organización das Nacións Unidas para a Alimentación e a Agricultura ( FAO) porque, na súa opinión, “é importante para a miña cidade, para Galicia e para o prestixio internacional de España. Unha declaración formal da Cámara Alta pode contribuír a lograr o obxectivo”, apostilou.
A moción presentada polo Grupo Popular, aprobada hoxe na Comisión de Asuntos Exteriores da Cámara Alta, aínda que coa abstención dos senadores socialistas, insta o Goberno a que solicite, formalmente, á Organización das Nacións Unidas para a Alimentación e a Agricultura, a instalación en Vigo dunha Oficina Permanente co obxectivo de desenvolver e
xestionar unha Rede Global de Portos.
“Non lles vou a negar -dixo aos senadores de todos os Grupos- que na cidade causou preocupación que, a pesar de existir unha proposta referendada por todas as Administracións e Axentes Sociais, non se teñan noticias sobre se o Goberno, que é quen pode facelo, solicitou que Vigo acolla a Sede de Portos Azuis da FAO, cando pola área mediterránea se se había involucrado para unha sede en Málaga”.
Javier Guerra destacou que a implicación activa do Goberno e da Administración española, tería consecuencias moi positivas para o noso país. En primeiro lugar, polo posicionamento dos portos pesqueiros e comerciais españois a nivel internacional como promotores do Enfoque de Economía Azul na xestión portuaria.
Ademais, “reforzaría as relacións entre Autoridades Portuarias que deriven na xeración de negocio mutuo e a creación de lazos con terceiros países onde España e Galicia teñen fortes vínculos, e potenciaría a imaxe da industria pesqueira española como frota innovadora e sostible”.
Durante a súa intervención na Comisión, Javier Guerra, tamén destacou a importancia de desenvolver “unhas economías mariñas sostibles en apoio da Axenda 2030 para o desenvolvemento sostible, no marco das estratexias ligadas ao medio ambiente, a sustentabilidade e a globalización solidaria e equilibrada”.
VIGO, MAIOR PORTO PESQUEIRO
O senador popular ha remarcado que “se falamos de tradición, coñecemento, coidado e esforzo na pesca sostible temos que referirnos necesariamente a Galicia e, especialmente, a Vigo, que conta co maior porto pesqueiro de Europa”.
Así, explicou que o porto de Vigo ten unhas descargas ao redor das 750.000 toneladas e dá emprego a case 30.000 persoas, tras o que engadiu que “desde hai xa varios anos é un referente mundial e europeo no crecemento azul”.
Ademais, Guerra lembrou que desde 2017, o porto de Vigo inicia a súa “continuada relación coa FAO no marco da implementación da Estratexia de Crecemento Azul como ferramenta de sustentabilidade e, en particular, de desenvolvemento sostible dos portos pesqueiros, cristalizando esta colaboración no deseño conceptual da creación dunha Rede de Portos
Pesqueiros Azuis”, á vez que traballou para reforzar o papel crave de España na implementación da Rede.
REDE DE PORTOS PESQUEIROS AZUIS
Neste sentido, o senador do PP sinalou que “na creación desta Rede Internacional de Portos Azuis, establécese a necesidade de buscar sinerxias e alianzas con outros organismos internacionais que poidan estar a traballar en materia de economía azul”, tras o que subliñou que tanto o Banco
Mundial, a Unesco e a Asociación Europea de Portos mostraron o seu interese en colaborar coa iniciativa promovida pola FAO coa colaboración do porto de Vigo.
Así mesmo, Guerra explicou que a Rede de Portos Pesqueiros Azuis “permitirá incrementar a competitividade da actividade pesqueira e comercial das áreas mariño-costeiras, posto que todos os portos pesqueiros estarán aliñados en materia de sustentabilidade social, económica e ambiental, xerando unha maior competitividade dos portos participantes e reforzando o seu posicionamento como Hubs de desenvolvemento socioeconómico local e rexional de forma sostible”.
Por último, Javier Guerra lembrou que Vigo acolle xa a Sede da Axencia Europea para o Control da Pesca ademais de contar cos despachos máis acreditados en Dereito Marítimo, unha Facultade de Ciencias do Mar, o centro tecnolóxico máis avanzado, Anfaco- Cecopesca, e a organización de CONXEMAR, unha das feiras máis grandes do mundo nestes ámbitos.