O Concello reforza Contratación e Asesoría Xurídica para axilizar a xestión e impulsar licitacións

O Concello de Ourense reforzará as áreas de Asesoría Xurídica e de Contratación para axilizar a xestión e impulsar licitacións pendentes. Con esta finalidade, o asesor xurídico adxunto, Javier García Gago asumirá grande parte da carga de traballo que actualmente recae na asesoría xurídica, de forma que o asesor xurídico principal, Juan Costas -que é tamén o xefe de servizo de Contratación- poida centrar a súa dedicación nesta área, da que dependen as licitacións de obras municipais e a adxudicación de contratos de prestación de servizos, de vital importancia para o funcionamento da cidade.