- A iniciativa propón actividades todos os venres de xuño
- O Concello de Soutomaior, a través da súa Concellería de Igualdade, acaba de poñer en marcha o seu programa “Somos diversidade”. Unha iniciativa enmarcada entre as celebracións internacionais do 17 de maio, día contra a homofobia, bifobia e transfobia, e o 28 de xuño, día do orgullo LGTB+, para promover a tolerancia, a igualdade de dereitos e a dignidade das persoas do colectivos LGTBI+.
- Durante todo o mes de xuño o edificio multiusos de Arcade acollerá unha serie de contacontos e representacións teatrais enfocadas ao público familiar nas que se busca potenciar valores de respecto á diversidade sexual. Ademais, a biblioteca municipal acollerá durante todo o programa un punto de lectura para todas as idades con publicacións de educación afectivo-sexual.
- A primeira actividade celebrarase mañá no exterior do multiusos co espectáculo “rosa e azul”. Un contacontos teatralizado dedicado a romper os estereotipos de xénero a través da manipulación de xoguetes e bonecos tradicionais.
- O venres 11 de xuño haberá unha dobre sesión. A partir das 19 horas, no exterior do multiusos, Pablo Sánchez interpretará o seu espectáculo “ Principas e princesos”. Unha obra chea de contos sobre princesas valentes que se enfrontan a dragones e príncipes que se dedican a lavar a roupa e a pasar o ferro. Ás 21:30 horas no interior do multiusos dará comezo a representación teatral “Elisa e Marcela”, baseada na historia do primeiro matrimonio lésbico.
- Por último, o 25 de xuño a partir das 19:00 horas, a compañía Paporrubio fará as delicias dos máis pequenos da casa cunha sesión de teatro, xogos e música. Todas as actividades son gratuítas e será necesario inscribirse previamente para garantir o aforo permitido polos protocolos anticovid.
Soutomaior pon en marcha o seu programa “somos diversidade” para conmemorar o mes do orgullo LGTBI+
- Anuncio -
