O presidente do PP de Pontevedra, Rafa Domínguez, acompañado da concelleira Pepa Pardo, valorou o traballo que a formación desenvolveu nos últimos dous anos: “Estou moi contento, pero non nos durmiremos nos loureiros”
Domínguez enumerou os principais problemas que afronta a cidade e nos que traballan os populares de Pontevedra: “A economía e a falta de emprego, os problemas de tráfico, o abandono de barrios e parroquias, a saturación dos servizos sociais municipais, a falta de obras e o pouco apoio ao deporte”
“Fronte ás mentiras e a falta de traballo que denotan o estado interno do BNG, fronte aos seus insultos, a pesar de que dirixisen unha denuncia contra min, é a miña deber seguir auditando cada un dos contratos do Concello. Non me frearán”
O Partido Popular de Pontevedra organizou este venres un almorzo informativo para realizar un balance, a metade de lexislatura, sobre o traballo que viñeron desenvolvendo os populares no Concello. O presidente da formación na cidade do Lérez, Rafa Domínguez, e a concelleira Pepa Pardo, foron os encargados de realizar este resumo #ante os medios. Unha recompilación de acontecementos que, como mencionou Domínguez, estivo marcada pola pandemia, “á que Pontevedra non foi inmune”.
Domínguez comezou a súa comparecencia analizando a xestión da pandemia, “un parámetro fundamental para valorar politicamente o traballo que se realizou neste Concello”: “Lores estivo desaparecido no máis cru da pandemia, escondido, acazapado no seu despacho, sen dar solucións aos pontevedreses que máis o necesitaban. A súa xestión foi un fracaso. O balance do papel de Lores e do goberno municipal nestes dous anos foi claramente decepcionante. Decepcionante en canto a medidas, decepcionante en canto á tardanza na toma desas medidas e decepcionante en canto a incapacidade para resolver os problemas”.
“Tivemos un Goberno local que en dous anos non fixo nada para axudar ao pequeno comercio, aos autónomos, á hostalería. Non feito nada por reducir as cargas impositivas ou os impostos ás persoas que o estaban pasando mal. Unha Goberno que a nivel de mobilidade urbana empeorou o tráfico e dificultou o poder aparcar na cidade. Un Goberno que leva sete anos traballando no transporte público a demanda sen que aínda se produciu unha única viaxe. Un Goberno dunha cidade onde o desemprego, o paro e a falta de empresas é un mal endémico. Un Goberno que ten abandonado aos barrios e ás zonas rurais e que non pensa nas parroquias. Un Goberno que, en definitiva, chegou mal e tarde á xestión dunha pandemia e que, desde logo, tivo un alcalde “absolutamente desaparecido”.
“Fronte ás mentiras e a falta de traballo que denotan o estado interno do BNG, fronte aos seus insultos, a pesar de que dirixisen unha denuncia contra min, é a miña deber seguir auditando cada un dos contratos do Concello. Non me frearán”, argumentou Domínguez.
Pola contra, desde as filas populares, “#ante o inmobilismo do Concello”, propuxéronse 55 mocións, fronte a sós cinco do BNG e do PSOE. Estas propostas foron organizadas nas seguintes categorías:
Economía
Domínguez subliñou que a nivel “de emprego, de actividade económica, de axuda aos sectores afectados, desde o Partido Popular foron moitísimas as mocións que se presentaron tentando paliar en certa forma os efectos do covid”. Entre elas, o popular quixo destacar lugar a creación dunha comisión da reconstrución para sentar as bases sociais e económicas de recuperación, a exención de todos os impostos e taxas municipais para aqueles sectores máis afectados pola pandemia, un plan axudas de sete millóns de euros para autónomos, hostalería e pequeno comercio, acompañado da eliminación da taxa de veladores e de lixos durante o que durase o estado de alarma, o incremento de forma significativa das partidas nos Orzamento Xerais do Estado para Galicia e para Pontevedra, un plan de emprego ou unha estratexia de apoio á empresa máis importante da nosa cidade.
En contraposición, “Lores presentou un programa de axudas, que no seu primeiro formato só conseguiu dar o 30 % do capital asignado, e as segundas axudas para paliar a pandemia que van chegar despois de que esta terminase. É incrible que as axudas para paliar a pandemia aínda non estean nin sequera publicadas”. “Podemos dicir sen dubidalo que o Plan Supera foi un fracaso e que desde logo non serviron para axudar aos sectores máis afectados aos cales non se lles baixou nin un euro de impostos, permitíuselles atrasar veladores”, argumentou o popular.
Tráfico
“Uno dos problemas máis importantes da nosa cidade é o do tráfico. Todos sabemos que o tráfico agora en Pontevedra é moito peor que antes da pandemia. Entre outras cousas porque se pechou unha rúa de forma arbitraria, utilizando a mentira, utilizando a pandemia de escusa, e é grave utilizar unha enfermidade como escusa para pechar unha rúa, o que fala da catadura moral dun goberno que non lle importa utilizar unha pandemia que se levou centos de mortos por diante nesta cidade para o peche dunha rúa”, comezou Domínguez, en relación ao corte de Raíña Vitoria. “O peche dunha rúa fundamental para Pontevedra entorpeceu o tráfico de forma moi importante, por tanto, neste momento, o tráfico en Pontevedra é moito peor que antes da pandemia, e iso que aínda non recuperamos a actividade económica que tiñamos”.
“O BNG o único que fixo polo tráfico é pechar Reina Vitoria. Desde o PP pedimos que leve a cabo un estudo de tráfico en Pontevedra, pedímolo en varias ocasións e volverémolo a facer. Ademais, pedimos a utilización e a creación de parques disuasorios, absolutamente fundamental. Por tanto, mentres uns pediamos plans de estudo de tráfico, aparcadoiros disuasorios e a utilización das rúas, outros o único que facían é pechar unha rúa para mellorar o tráfico na cidade que, por certo, é sen dúbida o peor de toda Galicia”.
Transporte público
En canto ao transporte público, Domínguez dixo que houbo “un avance grazas á Xunta de Galicia que asinou un acordo”. Pero o popular mencionou que lle “chama a atención que desde o 2015 nos orzamentos figura unha partida para transporte público e o Concello non fixo nin un só avance”: “É un fracaso tras fracaso que nos custa diñeiro aos pontevedreses e que confirma que este Concello non fixo nin un só avance desde 2015”.
Barrios e parroquias
Desde o Partido Popular “habemos vindo traballando no intento de mellora dos barrios e das parroquias de Pontevedra”: “A nosa intención, aínda que é verdade que a pandemia trastornou os plans de todos, é que levemos mocións de todas as parroquias de Pontevedra e da maioría dos barrios, todo isto á parte de máis de 100 escritos que solicitamos melloras puntuais en barrios e parroquias”.
Obras
Neste apartado, Domínguez asegurou que ningunha obra “de gran envergadura planeada neste mandato empezou, salvo a obra de Loureiro crespo, xa planificada no mandato anterior”: “De feito, cónstanos o nulo interese que ten o señor Lores en facer dúas obras que apoia o PP de Pontevedra: o destape do río Gafos, que teño o convencemento de que por mu moito interese que teña o PSOE, Lores vai boicotear; e o pavillón da Parda, que segue expectante e do que non teremos noticias”.
Servizos sociais
Os populares, explicou Domínguez, “presentaron varias mocións para reforzar os devanditos servizos sociais, servizos infradotados, que non son capaces de dar servizo a unha demanda cada vez maior”: “Quero destacar aquí a presentación no mes de decembro da proposición para a posta en funcionamento dun plan de compromiso social, un plan abordable para a capacidade económica do concello de Pontevedra. Un plan ao que o BNG e o PSOE votaron en contra, deixando atrás a moitos pontevedreses”.
Actividades deportivas
As demandas neste apartado “foron moitísimas”, xa que para Domínguez “o deporte ten que ser un dos eixos principal dentro do concello de Pontevedra”: “Melloras de determinados pavillóns como o de Monteporreiro, a realización do pavillón de Verducido, que é unha vergoña para todos os que o vemos, ou a creación dun novo pavillón de deportes en Pontesampaio. Nunca se apoiou ningunha destas propostas”.
“Pero se por algo se caracterizou Pontevedra, algo que avergoña á maioría dos cidadáns, foi polo absoluto despropósito á hora de non permitir aos nenos xogar e adestrar nas instalacións municipais de Pontevedra, sendo Pontevedra a única cidade das sete importantes de Galicia na que os nenos non puideron adestrar con normalidade, impedindo o normal desenvolvemento dos nenos que viñan dunha pandemia, o que é extremadamente grave. Por tanto, aquí fracaso absoluto unha vez máis”, destacou o popular.
