O Concello de Ourense consultaralle á Confederación Hidrográfica Miño-Sil (CHMS) a posibilidade de retirar o empedrado na parede do paseo do río Miño, no tramo comprendido entre a ponte romana e a do Milenio -baixo a N120-, para que poida ser empregado como zona para graffitis.
Este espazo é un lugar de concentración de moito artista urbano, polo que a idea do alcalde, Gonzalo Pérez Jácome, é a de darlle valor e notoriedade ao lugar coa pegada e o talento dos artistas urbanos da nosa cidade.
