A Concellería de Asuntos Sociais recibiu un cento de propostas de actividades por parte de profesionais e de empresas para o deseño do programa de actividades que acollerán os centros cívicos municipais -Colón, A Cuña, A Ponte, As Termas e Seixalbo- durante o curso 2021/22. Na mesma convocatoria, segundo as bases aprobadas pola Xunta de Goberno Local o 18 de marzo de 2021, tamén se recibiron as propostas de actividades para o programa de Envellecemento Activo.
Para os programas de adultos, as actividades máis ofertadas son as de mantemento e actividade física (ioga, pilates, bailes…) e coñecemento do uso de móbiles e tabletas. Para a rapazada, clubs de lectura e actividades de lecer.
