Na xornada deste 28 de xuño iniciáronse os traballos de sinalización horizontal no municipio da Pobra do Caramiñal coa finalidade de incrementar as marcas viarias e aumentar a visibilidade das xa establecidas, segundo manifesta a concelleiro da Seguridade, José Andrés Lojo (Nós Pobra).
A dita intervención ten como primeira zona de actuación O Lagar cos obxectivos de reforzar as marcas viarias xa existentes, delimitar os estacionamentos para optimizar o espazo destinado para tal fin e mellorar o tránsito de vehículos longos coma, por exemplo, os de emerxencias, en determinados puntos desa área.
Estas tarefas terán continuidade noutros espazos do concello, polo que a duración das mesmas se prolongará durante varios días.
