O presidente dos populares de Pontevedra, Rafa Domínguez, e os concelleiros Pepa Pardo e Pablo Fernández, formarán parte do Comité Executivo do Partido Popular de Galicia, un dos núcleos duros da formación a nivel autonómico
“Pontevedra foi premiada coa decisión de ser sede nun primeiro momento deste Congreso, que por razóns sanitarias desprazouse a Santiago. Agora vólvese a recoñecer a importancia da nosa cidade con esta excelente noticia”
O presidente do Partido Popular de Pontevedra, Rafa Domínguez, valorou “moi positivamente” a decisión do PPdeG de incorporar ao seu Comité Executivo unha representación “moi nutrida” de figuras da formación popular na cidade do Lérez. Rafa Domínguez, Pepa Pardo e Pablo Fernández pasan a formar parte do núcleo duro do partido a nivel autonómico, ocupando diferentes postos nun dos órganos de maior relevancia dentro da formación.
Os tres concelleiros están chamados a dar un paso á fronte e asumir responsabilidades dentro do Comité Executivo, que incrementa notablemente a presenza de membros do Partido Popular de Pontevedra. En concreto, Pablo Fernández será o coordinador de emprego do PPdG, Pepa Pardo ostentará o cargo de vogal, e Domínguez seguirá formando parte como membro nato.
“Pontevedra foi premiada coa decisión de ser sede nun primeiro momento deste Congreso, que por razóns sanitarias tívose que mover a Santiago. E agora vólvese a recoñecer a importancia da nosa cidade con esta noticia”, dixo Domínguez. “Non podo estar máis honrado de que se premie desta maneira o labor que vimos desenvolvendo o meu equipo e eu en Pontevedra, e que vén ser confirmado por estas incorporacións ao Comité Executivo do PPdG”.
Rafa Domínguez, que presidiu o conclave autonómico, Pepa Pardo, que presidiu o Comité Organizador deste evento, e o concelleiro Pablo Fernández, que presentou numerosas propostas para o relatorio económico que tivo lugar neste congreso, pasan por tanto a formar desde hoxe parte do Comité Executivo do Partido Popular de Galicia.
