Os bombeiros do parque Comarcal Provincial de Ribeira foron alertados durante as últimas horas da mañá de hoxe dun accidente na parroquia ribeirense de Aguiño.
A incidencia involucrou a dous vehículos e provocou que cinco persoas resultasen feridas leves. O operativo consistiu na inmobilización dos feridos e na colaboración no traslado ao centro hospitalario. Finalizouse coa limpeza da vía.
