• Non se poderán realizar lumes nas praias nin as zonas verdes contiguas a estas.
A próxima fin de semana celébrase a festividade de San Juan, que se celebra tradicionalmente con fogueiras e sardiñadas, polo que o Concello de Ortigueira establece unha serie de condicións para poder celebrar a noite máis curta do ano mantendo as condicións de seguridade.
Establécese que as persoas interesadas deberán presentar no Rexistro do Concello, cunha antelación mínima de dous días, a comunicación previa da realización da mesma. O lume non poderá realizarse en espazos públicos con pavimento de formigón, asfalto ou material cerámico, nin sobre o céspede das zonas verdes. Ademais, as persoas responsables deberán comprobar que a fogueira non provoque danos no chan. Non se permitirá facer fogueiras nas praias.
A separación entre a parte externa da fogueira e outros elementos será como mínimo de 8 metros para lumes de 2 metros e un metro de diámetro ou menores; e de 12 metros para as maiores. Con todo, as fogueiras non poderán superar nin en altura nin en diámetro os 3 metros.
Indícase que non se poderá realizar fogueiras con vento. Se iniciado o lume fixese aparición o vento, suspenderase inmediatamente. Ademais, tampouco poderá realizarse se o índice de risco de incendio forestal non supere o moderado.
No caso de que ocorra un accidente por neglixencia, será responsabilidade das persoas que figuren como responsables da fogueira os posibles danos ocasionados.
