• A proposta levará este xoves, 29 de setembro, a un pleno extraordinario.
• A concesionaria presentou un escrito detallando a variación experimentada polo IPC desde agosto do 2021 a agosto de 2022, que alcanza un 10,5%.
O Concello de Miño levará a pleno este xoves, 29 de setembro, unha proposta para modificar a ordenanza número 5 (de saneamento, tratamento e depuración de augas residuais) e a número 9 (reguladora da taxa pola subministración de auga) para actualizar o importe das tarifas vixentes, aplicándolles a variación do Índice de Prezos de Consumo (IPC).
Esta variación é de obrigado cumprimento, #de acordo con o contrato asinado coa concesionaria actual do servizo, Espiña e Delfín, no ano 1997 polo anterior goberno local e revisado en 2002 para incluír que as tarifas dos usuarios e usuarias deben manterse actualizadas conforme á variación do IPC anual.
Así, o pasado 15 de setembro a empresa concesionaria presentou un escrito ao Concello detallando a actualización do IPC desde agosto do 2021 a agosto de 2022, que alcanza un aumento dun 10,5% con respecto ás tarifas actualmente en vigor.
