O conselleiro de Cultura, Educación, Formación Profesional e Universidades e o alcalde de Arteixo analizan proxectos educativos neste concello

O conselleiro de Cultura, Educación, Formación Profesional e Universidades, Román Rodríguez, e o alcalde de Arteixo, Carlos Calvelo, mantiveron esta mañá unha reunión de traballo para analizar proxectos educativos neste municipio coruñés. O encontro enmárcase na constante colaboración entre ambas institucións neste eido. Arteixo ten unha importante poboación escolar, con sete centros, polo que é imprescindible a colaboración entre administracións.