O presidente da Deputación de Pontevedra, Luis López, acompañado polos deputados Sandra Bastos e Javier Tourís, recibiu este martes no Pazo provincial a visita de preto de cincuenta usuarios da Fundación Lar, que están a realizar unha visita guiada pola cidade de Pontevedra, unha actividade enmarcada no programa provincial +Convivencia.
O mandatario provincial agradeceu o encontro, conversou cos visitantes e puxo en valor o labor dunha entidade, con sede en Vilagarcía, que traballa polo benestar das persoas que sofren algún tipo de trastorno mental ou de conducta.
