O vicepresidente Rafa Domínguez participa na presentación do Campionato de Taekwondo XXVI Cidade de Pontevedra

O vicepresidente da Deputación de Pontevedra, Rafa Domínguez, acaba de participar na presentación do Campionato de Taekwondo XXVI Cidade de Pontevedra, “un dos torneos máis internacionais que acolle a capital da provincia”. Domínguez felicitou a Miguel Ángel Cortegoso, director do Club Mace Sport, organizador do campionato, “polo seu traballo e implicación para converter a esta cita nunha das probas máis importantes da provincia”, e amosou a vontade da Deputación de “apoiar e impulsar este torneo que sitúa a Pontevedra no centro dunha disciplina con cada vez máis seguidores e a converte nun gran estadio deportivo”.