Búscase ofrecer alternativas de lecer e de tempo libre potenciando o desenvolvemento das habilidades e das capacidades das persoas
O prazo para a presentación de solicitudes remata o xoves, 28 de abril
A Concellería de Política Social abre a convocatoria para a selección de proxectos dos programa de actividades dos centros cívicos e Envellecemento Activo do Concello de Ourense, correspondentes á campaña 2021-22. Con esta convocatoria, aberta até o xoves 28 de abril, búscase ofrecer alternativas de lecer e de tempo libre potenciando o desenvolvemento das habilidades e das capacidades das persoas, así como elaborar programas de carácter cultural e social que teñan como obxecto o desenvolvemento integral dos veciños e veciñas da cidade.
No caso da programación para a cativada, búscanse actividades socioeducativas e lúdicas para a conciliación das dinámicas familiares, especialmente nos períodos de vacacións escolares, e tamén actividades de apoio escolar para nenos e nenas de 5º de Educación Primaria a 2º de ESO.
Bases e convocatoria para actividades destinadas a público infantil
Bases e convocatoria para actividades destinadas a público adulto
Envellecemento Activo
Outro dos programas para o que se abre prazo de convocatoria, aberto igualmente até o 28 de abril, é o de envellecemento activo do Concello de Ourense, correspondentes á campaña 2021-22.
Estas actividades irán encamiñadas ao desfrute do ocio e do tempo libre das persoas maiores de 60 anos e procurando, na medida do posible, o tratamento transversal con outros temas, tales como os relacionados cos valores sociais (solidariedade, respecto á natureza, civismo, voluntariado, etc.) e de fomento e coidado da saúde.
Os proxectos deben promocionar a igualdade entre homes e mulleres, incorporar a perspectiva de xénero e evitar os elementos de discriminación sexista no uso da linguaxe.
Bases e convocatoria para o programa Envellecemento Activo
