O prazo de entrega de solicitudes, a través do Rexistro xeral ou da sede electrónica, estará aberto durante os vindeiros 10 días naturais.
O Consello Municipal de Deportes (CMD) do Concello de Ourense abre mañá mércores, 3 de marzo, o período de inscrición nas listaxes de contratación de persoal auxiliar administrativo.
Segundo se recolle nas bases, a solicitude coa documentación pódese entregar no Rexistro do Consello Municipal de Deportes [no Pavillón dos Remedios, en Pardo de Cela 2] ou na sede electrónica do CMD [https://deportesourense.sedelectronica.gal] no prazo de 10 días naturais contados desde mañá.
O obxecto desta convocatoria é elaborar unha listaxe ordenada de persoas candidatas para eventuais nomeamentos en réxime de funcionariado interino para prazas de persoal auxiliar administrativo do Consello Municipal de Deportes. A lista que se elabore a través desta convocatoria terá unha vixencia de 3 anos.
