Este plan contempla diversas actuacións na Catedral de Ourense
O tenente alcalde, Armando Ojea, asistiu esta mañá a presentación do “Plan Catedrais de Galicia 2021-2027”, da man do conselleiro de Cultura, Educación e Universidade, Román Rodríguez, no salón de convencións do edificio CINC da Cidade da Cultura.
En canto as intervencións que se executarán na Catedral de Ourense, a directora xeral de patrimonio, M. Carmen Martínez Insua, manifestou que se intervirá “principalmente nas fachadas, algunhas delas nas que xa se está intervindo neste momento, como a torre de San Martiño, na fachada Occidental, na fachada Sur, na reixa do Altar maior, así como a adecuación do arquivo catedralicio e o Pazo Episcopal”.
