Celebrou a súa Asemblea o Marín Club de Fútbol

Gaspar Pérez dimitiu e unha Xunta Xestora faise cargo do club para convocar eleccións
Na Biblioteca Pública Municipal celebrouse no serán deste xoves, a súa Asemblea Xeral Ordinaria e Extraordinaria o Marín Club de Fútbol coa asistencia dunha vintena de socios.
Na Asemblea Xeral Ordinaria o presidente saínte Gaspar Pérez presentou a xestión deportiva realizada baixo o seu mandato na que resaltou o ascenso á Primeira División Autonómica do primeiro equipo da entidade como a confirmación dunha meta proposta a principio de tempada.
En canto aos equipos de canteira, os xuvenís, quitoulle dramatismo ao descenso sufrido polo equipo A xa que para a próxima tempada a Federación Galega ha creado unha división intermedia entre a liga Galega, na que militou esta tempada, e a Primeira Autonómica, que se considera máis acorde coas posibilidades actuais do club. E en canto ao equipo B que non realizou unha boa campaña xustificouna na dificultade para conseguir xogadores dado que en Marín móvense independentemente outros equipos e que é difícil conseguir xogadores.
En canto ás propostas para a próxima tempada e dada a dimisión que o presentaba de forma irrevogable e con el a dos membros da súa Xunta Directiva dixo que iso quedaría en mans de quen ou quen se fixese cargo do Club.
No apartado económico presentou unhas contas saneadas xa que aos ingresos recadados de 54.360 € enfrontou uns gastos de 55.136 €, pero que entre as facturas pendentes de pago e os ingresos pendentes de recibir o Club mantén a día de hoxe un saldo positivo de 2.812 €.
En canto ao orzamento da próxima tempada, do mesmo xeito que o proxecto deportivo, dixo que quedaría en mans dos novos dirixentes.
A continuación, celebrouse a Asemblea Xeral Extraordinaria na que Gaspar Pérez reiterou de forma oficial a súa dimisión irrevogable e con que co cesaban nos seus cargos todos os membros da súa Xunta Directa.
A non ser presentada ningunha candidatura á presidencia do Marín Club de Fútbol acordouse que habería que formar unha Xunta Xestora que se faga cargo do Marín Club de Fútbol para dirixilo durante os próximos días.
#Ante tal situación fíxose un receso na Asemblea para que os socios presentes puidesen ven que solucións tomar.
Finalmente foron os socios Adrián Arias, José Antonio Arias, #Luis Duarte, Sergio Fernández, Herminio González, Jorge Martínez e Fernando Martínez que exercerá de presidente os que deron un paso adiante para poder formar esta Xunta Xestora; que se reunirá este venres no Local Social para convocar oficialmente as Eleccións á Presidencia do Marín Club de Fútbol.