• O dirixente do PP aposta por unha reordenación do tráfico, que inclúa a reapertura de Raíña Victoria e a conexión dos aparcadoiros disuasorios co centro urbano mediante transporte público: “É urxente actuar”
• “Vemos como o tráfico en Pontevedra é un horror, e Lores parece dicirlle á xente que non veña á nosa cidade, o cal é inaceptable, especialmente nunha época tan importante para o comercio local”
O portavoz do Partido Popular en Pontevedra, Rafa Domínguez, criticou duramente o plan de tráfico implementado durante a campaña do Nadal, cualificándoo de “desastre absoluto” que afecta tanto á mobilidade como ao comercio local. “En Pontevedra, é moi difícil aparcar. A carencia de aparcamentos públicos conectados co centro mediante transporte urbano agrava a situación, e o tráfico é un caos constante”, afirmou.
O xefe da oposición lembrou que durante as negociacións co BNG propúxose unha reordenación do tráfico baseada en estudos independentes, incluíndo a reapertura de Raíña Victoria como unha vía crave para desconxestionar a cidade. Con todo, estas propostas foron rexeitadas. “Estamos a ver como o tráfico en Pontevedra é un horror, e o goberno de Lores parece dicirlle á xente que non veña á nosa cidade, o cal é inaceptable, especialmente nunha época tan importante para o comercio local como o Nadal”, declarou.
Desde o Partido Popular, esíxese ao goberno municipal un plan de tráfico “en condicións” que priorice tanto a accesibilidade ao centro urbano como a dinamización económica. Entre as propostas destacadas por Domínguez, inclúense:
• A creación de aparcamentos disuasorios mellor conectados co centro mediante autobuses urbanos eficientes.
• A reapertura de vías estratéxicas como Reina Victoria para reducir os atascos.
• Un estudo independente sobre as necesidades reais de tráfico na cidade.
“É imprescindible contar cunha estratexia que facilite o acceso á cidade mediante aparcamentos públicos conectados con autobuses urbanos e medidas efectivas para reducir os atascos. Sen iso, seguiremos vendo un impacto negativo tanto na calidade de vida dos cidadáns como na actividade dos nosos comerciantes”, conclúe Domínguez.
