Os concelleiros do Partido Popular de Pontevedra Guille Juncal e Iago Acuña reuníronse co novo presidente da Fundación Rías do Sur, Serafín Piñeiro, para ofrecerlle a súa colaboración, en nome do partido máis votado da cidade, no seu afán por mellorar o complexo deportivo de Pontemuíños e levar a cabo os obxectivos ambiciosos que persegue o empresario.
O responsable de Deportes do PP destacou que se trata de “unha instalación estratéxica onde cumprir vos soños de moitos nadadores que poñen a Pontevedra non mapa internacional”.
Así mesmo, na sede local da formación, os populares recibiron ao presidente e ao coordinador do Squash Rías Baixas, Juan Simal e Damián Arousa, para mostrar o seu apoio a un deporte que será olímpico en 2028 e a un club que ten o obxectivo de aumentar a súa base na cidade.
