RESOLUCIÓN DE RECLAMACIÓNS PRESENTADAS Ó ORZAMENTO MUNICIPAL CORRESPONDENTE AO EXERCICIO ECONÓMICO 2024 E A MODIFICACIÓN PUNTUAL DA RPT E APROBACIÓN DEFINITIVA, SI PROCEDE.
- O BNG criticou unha vez máis a falta de transparencia coa que goberna o alcalde Carlos Viéitez, posto que continúa convocando Plenos ás 14h, horario que impide asistir á veciñanza por motivos de traballo e conciliación familiar.
- O BNG representa a única forza da oposición na corporación municipal despois de que o alcalde Carlos Viéitez e o seu grupo Veciños de Meaño regresara ás filas do Partido Popular.
- O Grupo de Goberno desestimou todas as alegacións feitas polos traballadores e traballadoras municipais ao orzamento e á modificación da RPT.
- A ampliación dunha praza de coidador da terceira idade a xornada completa e a solicitude dun procedemento de promoción interna non foron posibles debido á negativa da Alcaldía.
- A Alcaldía non soubo explicar que criterio segue para retribuír os 9.000€ existentes no orzamento aos traballadores municipais como complemento de produtividade, do que se deduce que o fai “a dedo”.
- O BNG argumentou que a Alcaldía debe ter capacidade negociadora e atender as peticións dos traballadores e traballadoras municipais, xa que iso revertería positivamente nos servizos que o concello ofrece á veciñanza.
- O BNG criticou que a Alcaldía se refuxie no axustado que está economicamente o concello, xa que toda distribución dos recursos económicos é unha declaración de ideoloxía. Lamentablemente o orzamento para o ano 2024 aprobado definitivamente neste Pleno non supón ningunha melloría dos servizos que o concello ofrece á veciñanza.
