O PP de Nigrán apoia a convocatoria dos usuarios dos Servizos Sociais de Nigrán.

Desde o Pp de Nigrán, queremos manifestar o noso total apoio a este colectivo, tan vulnerable, e lamentamos que se teña que chegar a convocar unha manifestación para reivindicar uns Servizos Sociais de calidade.
Aínda que é certo, que o servizo de repartición de alimentos realízase mensualmente,
como indica desde o Concello a concellería de Benestar Social, recibimos
numerosos testemuños indicando queixas no funcionamento do departamento de Servizos Sociais.
Sería imperdoable non dar voz a estas demandas e escoitar a todas as partes para poder resolver os problemas e esclarecer as dúbidas que poidan existir cun
Servizo que atende a persoas especialmente vulnerables, como sociedade
o noso primeiro deber é axudar aos que máis o necesitan, que na súa maioría son
familias con situacións moi complicadas.
Recoñecemos á súa vez a entrega e traballo da Concelleira de Benestar Social, que nos consta que fai todo o que esta en a súa man para mellorar a situación de moitas destas persoas, pero solicitaremos unha Comisión de Investigación para esclarecer esta situación onde se de voz a todas as partes e salga dela unha proposta que sirva para reconducir a situación e dar resposta a todas as demandas que sexa posible.
Tamén estaremos atentos #ante calquera acción que se poida tomar como represalia por esta convocatoria, porque somos conscientes de que a situación de vulnerabilidade destas persoas, impídelles, por medo a perder o pouco que se lles ofrece, reivindicar os seus dereitos.
Esperamos que o Sr.Alcalde do PSOE, ocúpese do problema desde xa, que permita a Comisión de Investigación e que defenda os dereitos deste colectivo tan vulnerable, no canto de acusar a outros e poñerse á defensiva.