Todos os colexios e institutos adheríronse a este programa, que busca ser unha ferramenta de inclusión e de achegamento á realidade da comunidade xorda.
Coñecer e comprender a lingua de signos achéganos á realidade da comunidade de persoas xordas e supón unha importantísima ferramenta de inclusión. Por iso, a totalidade dos centros educativos de Marín adheríronse con moitísimo interese ao proxecto Signar, impulsado polo colectivo En Lingua de Signos (ELDS) e financiada polo Concello.
Tal e como explicou unha das membros do colectivo que participou nas primeiras sesións cos rapaces de 4º da ESO do IES Mestre Landín, “os obradoiros están a resultar moi ben. O alumnado participou e preguntou as súas dúbidas”.
De aquí a final de curso estarán impartindo estes obradoiros en todos los grupos dos centros que así o desexen, co obxectivo de ensinar máis sobre a lingua de signos para que a mocidade entenda esta realidade e poida ter unhas bases de comunicación.
Desde o Concello, apúntase tamén ao “éxito” desta iniciativa, que supón un paso adiante no traballo de inclusión e de educación en valores que se promove desde o ensino público marinense.
