En total, citouse a un total de 4.157 persoas dos sectores educativo, empresarial e poboacional, das que asistiron voluntariamente 2.650, cifra que representa unha porcentaxe de participación do 63,75 por cento a esta iniciativa preventiva
Os cribados poboacionais con PCR con mostra nasofarínxea efectuados en pasadas datas no Concello de Marin pola Área Sanitaria de Pontevedra e O Salnés detectaron un total de vinte casos positivos de COVID 19 nesta localidade.
En total, citouse a un total de 4.157 persoas dos sectores educativo, empresarial e poboacional, das que asistiron voluntariamente 2.650, cifra que representa unha porcentaxe de participación do 63,75 por cento a esta iniciativa preventiva.
Cómpre lembrar que estes cribados voluntarios tiveron lugar entre os pasados 21 a 23 de abril tanto no CPR Inmaculada -537 citados, 500 cribados e 2 positivos-, coma nunha empresa do sector da pesca en Marin -120 citados, 117 cribados que deron coma resultado 11 positivos por COVID- máis un cribado poboacional nesta localidade ao grupo dentre 50 a 64 anos de idade con tarxeta sanitaria activa no centro de saúde deste Concello, colectivo que acada as 3.500 persoas.
Delas, achegáronse a efectuar voluntariamente estes cribados un total de 2.650 cidadáns, que deron coma resultado outros 7 positivos por COVID.
Novos cribados preventivos en centros educativos do Concello
Ao longo da presente semana, a Área Sanitaria de Pontevedra e O Salnés vai continuar efectuando novos cribados preventivos en centros educativos do Concello de Marin cara a detectar novos casos asintomáticos de coronavirus.
Para levar a cabo este cribados, a Área Sanitaria de Pontevedra e O Salnés dispón de equipos de traballo que efectúan tarefas de control e cumprimento das medidas de seguridade, realización e procesado das tomas de mostras nasofarínxeas e información aos usuarios.
