- A celebración contou cun estrito protocolo de protección sanitaria
O Concello de Pazos de Borbén celebrou este domingo a XX edición da Cacheira, a cita gastronómica máis popular do municipio, e unha das festas culinarias máis consolidadas do calendario culinario da provincia. Por razóns sanitarias, a edición deste ano só repartiu racións para que os veciños levásenllas á súa casa. O tradicional pregón correu a cargo do artesán local Álvaro Martínez Leiro e foi emitido por streaming para todos os veciños.
“A edición máis local da historia da cacheira”, como a cualificou o alcalde, Andrés Iglesias, tiña como obxectivo manter viva a celebración a pesar da pandemia e as restricións sanitarias que impiden as aglomeracións. “O importante é manter a tradición e que os veciños poidan celebralo en familia”, explicou o rexedor.
Do mesmo xeito, segundo indicou o alcalde, todos os actos tradicionalmente asociados á celebración realizáronse igualmente e puxéronse ao dispor dos veciños a través dunha serie de vídeos que o Concello difundiu a través de diversas redes sociais.
A celebración contou con todos os protocolos sanitarios esixidos polas autoridades sanitarias, polo que todo o persoal implicado no proceso de elaboración e na repartición das racións foi sometido previamente a un test de antígenos. Ademais, o Concello habilitou unha zona especial para que os veciños puidesen recoller as súas racións de cacheira sen ter que baixarse dos seus vehículos.
Pazos de Borbén reparte máis de 250 racións para levar na súa XX Edición da Cacheira
- Anuncio -
