Diego Calvo, visitou no circuíto José Ramón Losada de Morás, os participantes no XXVIII Autocross Arteixo

O conselleiro de Presidencia, Xustiza e Deportes, Diego Calvo, visitou no circuíto José Ramón Losada de Morás, os participantes no XXVIII Autocross Arteixo, organizado pola Peña Autocross Arteixo, que forma parte do calendario de probas do Campionato de España de Autocross (CEAX). Logo das verificacións técnicas os máis de 130 participantes nas cinco categorías disputarán na xornada de hoxe a clasificación en dúas mangas e mañá haberá unha terceira antes das finais e a entrega de trofeos. Diego Calvo tamén realizou un percorrido polo circuíto, puxo en valor a instalación e lembrou o apoio da Xunta á federación e aos clubs de automobilismo.